ලෝක කුසලානයට ලංකාවෙන් තීරකවරු හය දෙනෙක්

එළැඹෙන ලෝක කුසලාන ක්‍රිකට් තරගාවලිය සඳහා වූ විනිශ්චකරුවන් සහ තරග තීරකවරුන් අන්තර්ජාතික ක්‍රිකට් කවුන්සිලය විසින් නම් කර තිබේ.

ශ්‍රී ලංකාවේ රංජන් මඩුගල්ල සහ රොෂාන් මහනාම ලෝක කුසලාන ක්‍රිකට් තරගාවලියේ තරග තීරකවරුන් ලෙස නම් කර ඇත.

කුමාර් ධර්මසේන, රන්මෝ මාර්ටිනස් සහ රුචිර පල්ලියගුරු තරග විනිසුරුවන් ලෙස නම් කර තිබේ.

පීටර් මැනුවෙල් තරග විනිසුරුවරුන්ගේ උපදේශක ලෙස නම් කළ බව අන්තර් ජාතික ක්‍රිකට් කවුන්සිලය නිකුත් කළ නිවේදනයේ දැක්වේ.